QR Prezıdenti: Aýtızmge shaldyqqandardyń arasynda qabiletti balalar kóp

NUR-SULTAN. QazAqparat - Aýtızmge shaldyqqan balalarǵa qoldaý jasap júrgen úkimettik emes uıymdarǵa rızashylyǵymdy bildiremin. Bul týraly búgin QR Prezıdenti Qasym-Jomart Toqaev tvıtterdegi paraqshasynda jazdy, dep habarlaıdy QazAqparat.

«2 sáýir - Búkilálemdik aýtızm týraly aqparatty taratý kúni. Mundaı balalardyń bizdiń qoǵamǵa tolyqtaı beıimdelýine kóńil bólý asa qajet. Olardyń arasynda qabiletti balalar kóp. Osy baǵytta elimizde jumys istep jatqan ÚEU rızamyn. Olardy qoldaýdy jalǵastyra beremiz», - dep jazdy Memleket basshysy.

Aıta keteıik, elimiz óńirlerinde Dúnıejúzilik aýtızm problemasy týraly aqparat taratý kúnine oraı túrli sharalar ótkizilip jatyr.
Osy oraıda Almatyda qaıyrymdylyq kontsert uıymdastyryldy.

Qyzylorda qalasynda aqparat taratý kúnine oraı sporttyq júgirýden jarys ótkizildi. Al Soltústik Qazaqstan oblysynda syrqat balalar A.Vınokýrov atyndaǵy sport saraıyna, teatrlarǵa, oqýshylar saraıyna saıahat jasaıdy, túrli aktsııalar men merekelik sharalar ótedi.