QR Prezıdenti: Ata-anasynyń qamqorlyǵynsyz qalǵan balalarǵa qoldaýdy kúsheıtý kerek

NUR-SULTAN. QazAqparat - Ata-anasynyń qamqorlyǵynsyz qalǵan balalarǵa keshendi áleýmettik patronattyq qoldaýdy kúsheıtý kerek. Bul týraly búgin Ulttyq qoǵamdyq senim keńesiniń 2-otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Eńbek etýge yntalandyrýdyń jańa tásilderine mán berilip, ataýly áleýmettik kómekti asyra paıdalaný barynsha azaıady. Sonymen qatar ata-anasynyń qamqorlyǵynsyz qalǵan balalarǵa keshendi áleýmettik patronattyq qoldaýdy kúsheıtý kerek dep sanaımyn. Bilim alýǵa, jumysqa ornalasýǵa, turǵyn úı máselesin sheshýge arnalǵan negizgi talaptar barshaǵa túsinikti bolýy qajet», - dedi QR Prezıdenti.

Memleket basshysy Shyǵys Qazaqstan jáne Avqtóbe oblystarynda bul máselelerdi sheshýge bıznes ókilderi men memlekettik kompanııalardy tartý qolǵa alynǵanyn atap ótti.

«Osy tájirıbeni basqa da óńirlerge taratý kerek», - dedi Qasym-Jomart Toqaev.