QR Prezıdenti Astana kúnin artyq shyǵynsyz toılaýdy tapsyrdy
«Bıyl biz Astanamyzdyń 20 jyldyǵyn toılaıyn dep otyrmyz. Elorda - jalpyhalyqtyq birlik pen kelisimniń sımvoly. Burynǵy shaǵyn ǵana Aqmola búginde úlken Astanaǵa aınaldy. Halyqtyń sany 1 mıllıonnan asty. Jaqynda biz qalanyń damý bolashaǵyn qarastyrǵan edik. 30-shy jylǵa (2030 jyl - avt.) deıin qala halqy 2 mıllıonǵa jetedi degen boljam bar. Osylaısha, Astanada 2 mıllıon adam, Almatyda shamamen 3 mıllıon adam bolady. Dál osyndaı iri qalalarda ǵylym, bilim, mádenıet pen tehnologııalar damıdy. Ýrbanızatsııany toqtata almaımyz. Adamdar qalaǵa kóshkisi keledi. Astana da úlken «qazanǵa» aınaldy. Bul jerge adamdar Otanymyzdyń túkpir-túkpirinen kelip, óz jumysyn, óz baqytyn, óz baspanasyn tapty», - dedi N.Nazarbaev.
Memleket basshysy Astananyń aldaǵy 20 jyldyǵyn abyroımen atqarýdy tapsyrdy.
«Sondyqtan QR Mádenıet jáne sport mınıstrligi men Astana ákimdigi arnaıy jospardy ázirleýi tıis. Ol kúndi artyq shyǵynsyz atap ótýimiz kerek. Bárin abyroımen atqaraıyq. Sosyn Qazaqstan halqy Assambleıasynyń mádenı sharalaryn jaqsylap turyp uıymdastyrý qajet. Sebebi olar jergilikti jerdegi uıymdarǵa úlgi bolyp otyr» - dep atap kórsetti Elbasy.
Aıta keteıik, búgin Beıbitshilik jáne kelisim saraıynda Elbasy Nursultan Nazarbaevtyń tóraǵalyǵymen Qazaqstan halqy Assambleıasynyń XXVІ sessııasy bastaldy. Onda Memleket basshysy Astanada Dostyq úıin ashýdy tapsyrdy.
