QR Prezıdenti Almatydaǵy «Investıtsııa úıine» bardy
ALMATY. QazAqparat - Qazaqstan Prezıdenti Qasym-Jomart Toqaev «Investıtsııa úıine» bardy, dep habarlaıdy QazAqparat Aqordaǵa silteme jasap.
Memleket basshysyna Almaty qalasyndaǵy «Investıtsııa úıiniń» negizgi qyzmetteri jaıynda málimet berildi.
Qazaqstan Prezıdentine kásipkerlikti qoldaýǵa arnalǵan «Qoldaý» ortalyǵynyń, «Almaty Finance», «Almaty» mıkroqarjy uıymdarynyń bıznesti órkendetý baǵytynda atqaryp jatqan jumystary týraly baıandaldy.
Kásipkerlikti damytýǵa baǵyttalǵan ortalyqtardy aralap kórgen Prezıdent Qasym-Jomart Toqaev qolǵa alynǵan bastamalardyń tabysty júzege asyrylýyna tilektestik bildirdi.
