QR Prezıdenti Almatyda tramvaı qozǵalysynyń toqtalýyna qatysty syn aıtty
ALMATY. QazAqparat – Qazaqstan Prezıdenti Qasym-Jomart Toqaev Almatyda tramvaı qozǵalysyn toqtatý sheshimine qatysty aıtty, dep habarlaıdy QazAqparat tilshisi.
«Tramvaı qatynasyn alyp tastaý, menińshe, pikirtalas týdyrǵan sheshim boldy. Relsterdi jóndep, tramvaı parkin jańalaý kerek edi. Sóıtip, qaladaǵy tramvaıdy qaldyrýǵa da bolar edi. Kóliktiń osy túri Eýropanyń kóptegen qalasynda táp-táýir qyzmet etip júr. Dál osy jaǵdaı qala basshylyǵynyń mamandarmen, jurtshylyq ókilderimen keńesýi qajettigin dáleldeı tústi», - dedi Memleket basshysy Almatynyń áleýmettik-ekonomıkalyq damýyna arnalǵan otyrysta.
Eske salaıyq, Almatyda tramvaılarǵa qatysty jol-kólik apattarynyń sany kóbeıgen soń, 2015 jyly jolaýshylardy qoǵamdyq kóliktiń bul túrimen tasymaldaý toqtatylǵan edi.
Avtory: Elaman Turysbekov
