QR Prezıdenti ákimderge aýyl sharýashylyǵy kooperatsııalarynyń jelisin qurýdy mindettedi
ASTANA. QazAqparat - Barlyq ákimder jyl sońyna deıin aýyl sharýashylyǵy kooperatsııalarynyń jelisin qurý tıis. Búgin Aqordada ótip jatqan Úkimettiń keńeıtilgen otyrysynda Elbasy Nursultan Nazarbaev osyndaı tapsyrma berdi.
«Kooperatsııalardy damytýǵa aıryqsha nazar aýdarý kerek. Kooperatsııalar týraly sáıkesinshe zańdy biz qabyldadyq. Sergeı Vıtalevıch jergilikti jerlerde sezile me, jumys júrip jatyr ma? Sen kári atsyń ǵoı atyzdy buzbas. Sol bir kooperatsııalar esińde me?», - dep surady Elbasy Aqmola oblysynyń ákimi Kýlagınnen.
«Barlyq kooperatsııalar esimde», - dep jaýap berdi ákim.
«Endeshe saǵan ne isteý qaldy? Únemi aıtyp kelemin, barlyq problema jaıly. Ol ýaqyt keńes zamany edi. Qazir biz sharýadan astyq ósirýdi, mal, qusty azyqtandyrýdy talap etemiz. Ol qalaı isteý kerektigin bilmeıdi. Deldaldar kelip, taýar óndirýshilerdi tonaýda. Kooperatsııalar ortalyqtandyrylǵan bolýy kerek. Sen óndir, biz satyp alyp ketemiz, al sen odan ary erkin jumys isteı beresiń. ıAǵnı, óte mańyzdy zań. Men barlyq ákimderden ár kúndi osydan bastaýdy talap etemin. Sizder aýyl sharýashylyǵy boıynsha kooperatsııalar jelisin qurýlaryńyz kerek. Jyl sońynda men sizderden esep talap etemin», - dep eskertti Elbasy.
«Úkimetke ákimdermen birlesip, aýyldyq jerlerde kooperatsııalar uıymdastyrý boıynsha barlyq sharalardy qabyldaýdy tapsyramyn. Olar ónimderdi satý, qaıta óńdeýdi qamtamasyz etýi tıis», - dedi Elbasy.
