QR Prezıdenti: AHQO - Táýelsiz Qazaqstannyń jańa paraǵy
"Astana" Halyqaralyq qarjy ortalyǵy - Táýelsiz Qazaqstannyń jańa paraǵy. Onyń ashylýy mańyzdy qadam, bizdiń ekonomıkanyń bekem túrde damýynyń jalǵasy bolyp tabylady. Jahandyq syn-tegeýrinderge jaýap retinde AHQO-ny qurý týraly ıdeıany eń alǵash ret 2015 jyly aıtqan edim", - dedi Nursultan Nazarbaev.
Prezıdent atap ótkendeı, AHQO qatysýshylaryna salyq boıynsha 50 jylǵa deıin, sondaı-aq vızalyq jáne eńbek boıynsha jeńildikter qarastyrylǵan.
"Bul, jumysy aǵylshyn quqyǵyna negizdelgen aımaqtaǵy birden-bir qarjy ortalyǵy. Táýelsiz sot, halyqaralyq arbıtrajdy ortalyq taraptardyń quqyqtarynyń ádiletti qaralýyn qamtamasyz etedi. AHQO sýdıalary retinde meniń sheshimimmen Anglııa men Ýeelsten kelgen 9 abyroıly sýdıa taǵaıyndaldy. Olardy lord Výlf myrza - Anglııanyń burynǵy Joǵarǵy sýdıasy basqarady. Arbıtrajdy ortalyqqa sonymen birge taǵy 23 halyqaralyq arbıtraj endi", - dedi Nursultan Nazarbaev.
Memleket basshysy tilge tıek etkendeı, AHQO-ny tıimdi basqarýdyń qaǵıdattary men pragmatızmi saqtalyp, barlyq ınvestorlardyń múddeleri qorǵalatyn bolady.
"Qor naryǵyn damytatyn qatysýshylardyń yńǵaıy úshin AHQO bırjasy - joǵary tehnologııalyq ınfraqurylym quryldy. Búgin sizdermen osy bırjanyń jumysyn bastaımyz. Onyń jumysyna amerıkalyq Nasdaq bırjasy jáne Shanhaı qor bırjasy qatysady", - dedi Memleket basshysy.
Eske sala ketsek, elordadaǵy Kongress holl ortalyǵynda Elbasy Nursultan Nazarbaevtyń qatysýymen «Astana» halyqaralyq qarjy ortalyǵynyń resmı ashylý rásimi ótti.
