QR Prezıdenti: Agenttik jumys barysyndaǵy qatelikti qasaqana jasalǵan qylmystan ajyrata bilýge tıis

NUR-SULTAN. QazAqparat – QR Prezıdentiniń Sybaılas jemqorlyqqa qarsy is-qımyl jónindegi keńeste sóılegen sózinde QR Prezıdenti Agenttik aldynda birqatar mańyzdy mindetter turǵyndyǵyn atap ótti, dep habarlaıdy QazAqparat.

«Birinshiden, sybaılas jemqorlyqqa qarsy is-qımyldy barlyq deńgeıde tıimdi júrgizý úshin keshendi jumys atqarý qajet. Mundaı sharalar qylmystyq qýdalaý áreketimen ǵana shektelmeýi kerek. Ondaı tásildiń keri áseri bolady. Memlekettik apparat sheshim qabyldaýdan tartynyp, bıýrokratııaǵa boı aldyrady jáne laýazymdy tulǵalar jeke jaýapkershilik alýdan jaltarady», - dedi Memleket basshysy.

«Agenttik jumys barysynda jiberiletin qatelikterdi qasaqana jasalǵan qylmystardan ajyrata bilýge tıis. Sondaı-aq, kináli adamdy qylmystyń barlyq quramy bolǵan kezde ǵana jaýapqa tartýy qajet»,-dedi QR Prezıdenti.