QR Prezıdenti: Adam jaqsyǵa tez úırenedi
NUR-SULTAN. QazAqparat – QR Memleket basshysy Qasym-Jomart Toqaev «31 arnada» kórsetilip jatqan «Prezıdent 2.0» baǵdarlamasynda óziniń bul qyzmetke qalaı úırenisip jatqany týraly aıtty, dep habarlaıdy QazAqparat tilshisi.
«Bastapqyda «Prezıdent, Prezıdent» degen sózderdi estigende Nursultan Ábishuly kelgen eken dep qalatynmyn. Bilesiz be, biraq bárine ýaqyt qajet. Adam jaqsyǵa tez úırenedi ǵoı. Árıne, men prezıdenttiń mindeti aýyr júk ekenin túsinem. Qalaı degenmen de, búkil memlekettiń, onyń halqynyń qaýipsizdigi men turmys-tirshiligine jaýap berý qajet. Jasyratyn nesi bar, sonda da prezıdenttik mindet qurmetke ıe», - dedi Qasym-Jomart Toqaev jýrnalıstiń suraǵyna jaýap bere otyryp.
Memleket basshysy óziniń bul qyzmetke kelýin bılik tranzıti retinde baǵalaıtynyn da aıtty.
«Bizdiń jaǵdaıda bul qazir eldiń bári aıtyp júrgendeı bılik tranzıti rejıminde boldy» - dep tolyqtyrdy Q.Toqaev.
