QR Prezıdenti Abaıdy nasıhattaýǵa qosqan úlesi úshin Armenııa professoryn marapattady

EREVAN. QazAqparat – Qazaqstan Elshisi Bolat Imanbaev Erevan memlekettik ýnıversıteti túrkitaný kafedrasynyń meńgerýshisi, professor Aleksandr Safarıanǵa Qazaqstan men Armenııa arasyndaǵy mádenı, bilim salalaryndaǵy baılanysty damytý, sondaı-aq armıan tiline Abaıdyń «Qara sózderin», M. Áýezovtiń «Abaı joly» romanyn jáne «Qazaq ádebıetiniń antologııasyn» armıan tiline aýdarǵany úshin Prezıdent Qasym-Jomart Toqaevtyń alǵys hatyn tabys etti, dep habarlaıdy QazAqparat.

QR Syrtqy ister mınıstrliginen málim etkendeı, ǵalym óziniń eńbegin joǵary baǵalaǵany úshin rızashylyq bildirip, eki halyq arasyndaǵy qarym-qatynastardy odan ári nyǵaıtýǵa daıyn ekenin rastady. Ol Erevan memlekettik ýnıversıteti men L. Gýmılev atyndaǵy Eýrazııa ulttyq ýnıversıteti arasyndaǵy yntymaqtastyqty joǵary baǵalap, oqytýshylarmen, ǵylymı zertteýshilermen akademııalyq almasýdaǵy baılanystardy atap ótti.