QR Prezıdenti janyndaǵy Ortalyq kommýnıkatsııalar qyzmetiniń dırektory taǵaıyndaldy

ASTANA. KAZINFORM — Qanat Qulshymanov Qazaqstan Respýblıkasynyń Prezıdenti janyndaǵy Ortalyq kommýnıkatsııalar qyzmetiniń dırektory boldy, dep habarlaıdy Aqordanyń baspasóz qyzmeti.

Kýlshmanov Kanat Amangeldınovıch
Foto: Aqorda

— Memleket basshysynyń ókimimen Qanat Amangeldiuly Qulshymanov Qazaqstan Respýblıkasynyń Prezıdenti janyndaǵy Ortalyq kommýnıkatsııalar qyzmetiniń dırektory bolyp taǵaıyndaldy, ol burynǵy atqarǵan laýazymynan bosatyldy, — delingen habarlamada.

Qanat Qulshymanov L. Gýmılev atyndaǵy EUÝ-dy jýrnalıstıka mamandyǵy boıynsha támamdaǵan. PhD doktory ǵylymı dárejesi bar.

Eńbek jolyn 2007 jyly «Qazaqparat» aqparat agenttiginiń tilshisi bolyp bastady. Ár jyldary Aqtóbe oblysy ákiminiń baspasóz hatshysy, Eńbek jáne halyqty áleýmettik qorǵaý mınıstrliginiń qoǵammen baılanys departamentiniń dırektory, Jambyl oblysynyń ákimi apparaty basshysynyń orynbasary bolyp jumys istedi.

2021 jylǵy maýsymnan qazirgi kezge deıin «QazMunaıGaz» UK» AQ Baspasóz qyzmetiniń basshysy qyzmetin atqardy.

2022 jylǵy sáýirde QR Premer-Mınıstriniń Baspasóz qyzmeti jetekshisiniń mindetin atqarýshy bolyp taǵaıyndaldy.

Buǵan deıin Arman Ábdirásilov jańa qyzmetke taǵaıyndalǵanyn jazǵanbyz.