QR Prezıdenti TRK jáne «Jenmın jıbao» aqparattyq saladaǵy yntymaqtastyqty nyǵaıta tústi

ASTANA. KAZINFORM – Astanada Qytaı Halyq Respýblıkasynyń Tóraǵasy Sı Tszınpınniń Qazaqstan Respýblıkasyna memlekettik sapary aıasynda QR Prezıdentiniń Teleradıokesheni jáne Qytaıdyń jetekshi basylymy «Jenmın jıbao» yntymaqtastyq jáne ózara túsinistik týraly memorandýmǵa qol qoıdy.

Qujatty Qazaqstan men Qytaıdaǵy eki iri medıa uıymnyń basshylary bekitti.

Taraptar el men aımaqtaǵy mańyzdy oqıǵalardy jarııalaý jáne ilgeriletý, aqparattyq kontentti birlesip óndirý, jýrnalısterge qoldaý kórsetý jáne tájirıbe almasý máseleleri boıynsha tyǵyz yntymaqtastyq týraly kelisti.

«Qazaqstan men Qytaı buqaralyq aqparat quraldary arasyndaǵy kásibı baılanysty damytý ózara qurmet, kómek jáne dostyq qaǵıdattaryna negizdelgen, bul elderimiz arasyndaǵy strategııalyq yntymaqtastyqtyń joǵary deńgeıin rastaıdy», - dep atap ótti QR Prezıdenti teleradıokesheniniń dırektory R. Qajybaeva.

Aldaǵy ýaqytta taraptar mádenı-gýmanıtarlyq jáne ekonomıkalyq salany damytýǵa baǵyttalǵan birqatar birlesken medıa jobany júzege asyrýdy josparlap otyr.

QR Prezıdentiniń teleradıokesheni – tolyq tsıkldy qazaqstandyq medıa-kompanııa, quramyna: Jibek Joly respýblıkalyq telearnasy, Silk Way jáne Silk Way Cinema halyqaralyq telearnalary, Kazinform HAA jáne Derekti fılmder ortalyǵy kiredi.

«Jenmın Jıbao» — 13 tilde jarııalanatyn qytaılyq kúndelikti gazet. Basylym shtatynda myńnan astam jýrnalıst jumys isteıdi, tilshilik pýnkteri álemniń 70 elinde ornalasqan. 1948 jyldyń 15 maýsymynan bastap shyǵady.