Prezıdent Togo Respýblıkasynyń basshysyn Aqordada qarsy aldy
«Aqorda» rezıdentsııasynda Qazaqstanǵa resmı saparmen kelgen Togo Respýblıkasynyń Prezıdenti For Essozımna Gnassıngbeni saltanatty túrde qarsy alý rásimi ótti. Kazinform bul týraly QR Prezıdentiniń baspasóz qyzmetine silteme jasap habarlaıdy.
Qasym-Jomart Toqaev pen For Essozımna Gnassıngbe bir-birine resmı delegatsııa múshelerin tanystyrdy. Qurmet qaraýylynyń bastyǵy memleketter basshylaryna raport berip, eki eldiń ánurandary shyrqaldy.
Memleket basshysy Qasym-Jomart Toqaevtyń shaqyrýymen 27-28 qarashada Togo Respýblıkasynyń Prezıdenti For Essozımna Gnassıngbe Qazaqstanǵa resmı saparmen keletinin buǵan deıin jazǵan bolatynbyz.
Qazaqstan Prezıdentiniń keńesshisi – Baspasóz hatshysy Berik Ýálıuly bul sapardyń máni men mańyzy týraly aıtty.
Kazinform tilshisi Togo Respýblıkasynyń tarıhyna, prezıdentine qatysty ǵalamtordaǵy derekterge kóz júgirtken edi.
