QR Prezıdenti Іs basqarýshysynyń orynbasary taǵaıyndaldy
ASTANA. KAZINFORM — Almas Isakov Qazaqstan Respýblıkasy Prezıdenti Іs basqarýshysynyń orynbasary boldy, dep habarlaıdy Aqordanyń baspasóz qyzmeti.
— Memleket basshysynyń ókimimen Almas Serikuly Isakov Qazaqstan Respýblıkasy Prezıdenti Іs basqarýshysynyń orynbasary laýazymyna taǵaıyndaldy, — delingen habarlamada.
Almas Isakov 1985 jyly 25 mamyrda dúnıege kelgen.
T. Rysqulov atyndaǵy Qazaq ekonomıkalyq ýnıversıteti men Ulybrıtanııadaǵy Ekzeter ýnıversıtetin bitirgen (University of Exeter), «Bolashaq» Prezıdenttik baǵdarlamasynyń stıpendıaty.
Eńbek jolyn 2009 jyly Astana qalasy boıynsha Kedendik baqylaý departamenti mamanynyń m. a. qyzmetinen bastaǵan.
2010 — 2012 jyldary Almaty qalasy boıynsha Salyq departamentiniń bas mamany bolyp jumys istegen.
2012-2014 jyldar aralyǵynda — QR Qarjy mınıstrligi men Ekonomıkalyq damý jáne bıýdjettik josparlaý mınıstrliginde sarapshy jáne bas sarapshy laýazymdaryn atqarǵan.
2015 jyldan 2019 jylǵa deıin salyq jáne keden saıasaty Departamenti salyq saıasaty basqarmasynyń basshysy, keıin Qazaqstan Respýblıkasy Ulttyq ekonomıka mınıstrliginde kásipkerlikti memlekettik qoldaý Departamenti dırektorynyń orynbasary qyzmetterin atqardy.
2019 jyly Aqparattyq-taldaý ortalyǵynyń jedel taldaý sektorynyń meńgerýshisi jáne Qazaqstan Respýblıkasy Premer-Mınıstri Keńsesiniń jobalyq basqarý ortalyǵynyń bas ınspektory laýazymdaryn atqarǵan.
2019 — 2021 jyldary — Qazaqstan Respýblıkasy Saýda jáne ıntegratsııa mınıstrliginiń strategııa departamentiniń dırektory retinde eńbek etken.
2021 jylǵy aqpannan 2023 jylǵy qańtarǵa deıin Qazaqstan Respýblıkasy Prezıdenti Ákimshiliginiń Áleýmettik-ekonomıkalyq monıtorıng bóliminiń qarjy naryqtary sektorynyń meńgerýshisi bolyp jumys istedi.
2023 qańtarda QR Básekelestikti qorǵaý jáne damytý agenttigi Apparatynyń basshysy laýazymyna taǵaıyndaldy.
Buǵan deıin Qazaqstan Halyq Keńesi tóraǵasynyń orynbasarlary taǵaıyndalǵanyn jazǵan edik.
