Prezıdent Koreıa Respýblıkasy Prezıdentiniń mindetin atqarýshy Choı San Mokqa kóńil aıtty

ASTANA. KAZINFORM – Memleket basshysy Koreıa Respýblıkasy Prezıdentiniń mindetin atqarýshy Choı San Mokqa kóńil aıtý jedelhatyn joldady, dep habarlaıdy Aqordanyń baspasóz qyzmeti.

Qasym-Jomart Toqaev Mýan áýejaıynda bolǵan ushaq apatynyń saldarynan kóptegen adamnyń qaza tapqany týraly sýyt habardy tereń kúızelispen qabyldaǵanyn jetkizdi.

Prezıdent jaqyndarynan aıyrylǵan otbasylarǵa jáne barsha dostas koreı halqyna kóńil aıtyp, apattan zardap shekken azamattardyń tezirek saýyǵyp ketýine tilektestik bildirdi.

Osyǵan deıin Mýan halyqaralyq áýejaıynda Jeju Air ushaǵy apatqa ushyraǵany týraly habarladyq.