QR Prezıdenti Qatar Ámirimen telefon arqyly sóılesti

ASTANA. KAZINFORM - Prezıdent Qasym-Jomart Toqaev Qatar Ámiri sheıh Támım ben Hamad Ál Tánımen telefon arqyly sóılesti, dep habarlaıdy Aqordanyń baspasóz qyzmeti. 

Áńgimelesý barysynda saýda-ekonomıkalyq, ınvestıtsııalyq jáne mádenı-gýmanıtarlyq salalardaǵy ekijaqty yntymaqtastyqtyń jaı-kúıi men damý perspektıvalary talqylandy. 

Sondaı-aq Qazaqstan Prezıdentiniń bıyl aqpan aıynda Qatarǵa jasaǵan memlekettik sapary kezinde qol jetkizilgen ýaǵdalastyqtardy tıimdi júzege asyrýǵa erekshe nazar aýdaryldy.

Qasym-Jomart Toqaev Qatar Ámiri Támım ben Hamad Ál Tánımen ShYU-nyń Astanada ótetin aldaǵy sammıti barysynda kezdesýge nıetti ekenin atap ótti.