QR Prezıdenti arhıviniń 30 jyldyǵyna arnalǵan poshta markasy shyǵaryldy
ALMATY. KAZINFORM – «Qazaqstan Respýblıkasy Prezıdenti arhıviniń 30 jyldyǵyna» oraı arnaıy poshta markasy aınalymǵa engizildi.
Arnaýly poshta markasyn tanystyrý rásimi Almatyda ótti. Oǵan QR Prezıdenti arhıviniń dırektory Álııa Mustafına men «Qazposhta» AQ bastyǵy Ásel Janasova qatysty.
«Mereıtoılyq poshta markasyn shyǵarý – ótkenimizge qurmet jáne ony nasıhattaýǵa degen umtylysymyzdyń kórinisi. Bul markany shyǵarý otandyq arhıvshilerdiń jumysyna degen qurmettiń belgisi deýge bolady. Óıtkeni qazaqstandyq poshta markasy alǵash ret arhıv salasyna arnalyp otyr. Poshta markalaryndaǵy sýretter – mańyzdy tarıhı oqıǵalar men jetistikterdiń shejiresi. Arnaıy mórtabanmen belgilengennen keıin kollektsııalyq qundylyqqa ıe bolady, arhıvte saqtalǵan tarıhı, mańyzdy qujattar sııaqty este qalarlyq nysanǵa aınalady», - dedi Álııa Mustafına.
Sondaı-aq ol Prezıdent muraǵaty «Qazposhtanyń» turaqty klıenti ekenin, jyl saıyn 2 myńnan astam hat jiberetinin tilge tıek etti.
Marka erteń, ıaǵnı 1 qazannan bastap aınalymǵa shyǵady. Jalpy tırajy – 5 000 dana.
Aıta keteıik, arhıv 1994 jyly 14 qańtarda QR Tuńǵysh Prezıdentiniń Jarlyǵymen quryldy. Qazir onda el tarıhyna qatysty 1 mln-nan astam qujat saqtalǵan.
