QR Prezıdenti aqyn Nesipbek Aıtulynyń otbasyna kóńil aıtty

Memleket basshysy aqyn Nesipbek Aıtulynyń otbasy men jaqyn týystaryna kóńil aıtý jedelhatyn joldady. Kazinform bul týraly Aqordaǵa silteme jasap habarlady.

Qasym-Jomart Toqaev kórnekti aqyn, Memlekettik syılyqtyń laýreaty, Qazaqstannyń eńbek sińirgen qaıratkeri Nesipbek Aıtulynyń dúnıeden ótýine baılanysty otbasy men jaqyn týystaryna kóńil aıtty.

«Nesipbek Aıtuly ulttyq ónerimiz ben mádenıetimizdi órkendetýge súbeli úles qosyp, rýhanııat salasynyń alǵa basýyna kúsh-qaırat jumsady. Qazaqstan táýelsizdiginiń jyrshysyna aınalǵan aqynnyń tartymdy týyndylary oqyrmandar tarapynan joǵary baǵasyn aldy. Ónegeli ǵumyr keship, sońyna mol ádebı-mádenı mura qaldyrǵan Nesipbek Aıtulynyń jarqyn beınesi umytylmaıdy. Marqumnyń ımany salamat, jany jánnatta bolsyn», – dep jazylǵan jedelhatta.

Buǵan deıin habarlaǵanymyzdaı, búgin belgili aqyn Nesipbek Aıtuly 73 jasynda dúnıeden ótti.