QR Premeri Úkimettiń Lıtsenzııalaý jáne habarlama tártibiniń keıbir máseleleri jónindegi qaýlysyna qol qoıdy
QazAqparat qujattyń mátinin taratady.
Qazaqstan Respýblıkasy Úkimetiniń qaýlysy №1655
2012 jylǵy 21 jeltoqsan Astana, Úkimet Úıi
Lıtsenzııalaý jáne habarlama tártibiniń keıbir máseleleri týraly
«Ákimshilik rásimder týraly» 2000 jylǵy 27 qarashadaǵy Qazaqstan Respýblıkasynyń Zańy 1-babynyń 5-tarmaǵyna , 15-3-babynyń
2, 7-tarmaqtaryna jáne «Lıtsenzııalaý týraly» 2007 jylǵy 11 qańtardaǵy Qazaqstan Respýblıkasynyń Zańy 6-babynyń 5) tarmaqshasyna , 10-babyna
sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan:
1) Qazaqstan Respýblıkasynyń Ulttyq Bankin qospaǵanda, memlekettik organdarda jáne halyqqa qyzmet kórsetý ortalyqtarynda habarlamalardy qabyldaý qaǵıdalary;
2) Habarlama bergen sýbektilerdiń tizilimin júrgizý qaǵıdalary;
3) qyzmetti nemese belgili bir is-qımyldy júzege asyrýdy bastaǵany
nemese toqtatqany týraly habarlamanyń nysany;
4) qurylys-montaj jumystaryn júrgize bastaǵany týraly
habarlamanyń nysany;
5) lıtsenzııany jáne (nemese) lıtsenzııaǵa qosymshany alýǵa arnalǵan
zańdy tulǵa ótinishiniń nysany;
6) lıtsenzııany jáne (nemese) lıtsenzııaǵa qosymshany alýǵa arnalǵan jeke tulǵa ótinishiniń nysany;
7) lıtsenzııa nysany;
8) lıtsenzııaǵa qosymshanyń nysany;
9) bilim berý qyzmetimen aınalysý úshin lıtsenzııaǵa qosymshanyń
nysany;
10) etıl spırtiniń jáne alkogol óniminiń óndirisi men aınalymy salasyndaǵy qyzmetke lıtsenzııanyń nysany;
11) alkogol óniminiń óndirisi jónindegi qyzmetke lıtsenzııaǵa
qosymshanyń nysany;
12) oıyn bıznesi salasyndaǵy qyzmetke lıtsenzııanyń nysany;
13) azamattyq jáne qyzmettik qarý men onyń patrondaryn satyp alý jónindegi qyzmetke lıtsenzııanyń nysany;
14) azamattyq pırotehnıkalyq zattar men olar qoldanylyp jasalǵan buıymdardy satyp alý jónindegi qyzmetke lıtsenzııanyń nysany bekitilsin.
2. Qazaqstan Respýblıkasynyń Ulttyq Banki qarjy salasyndaǵy qyzmettiń jáne qarjy resýrstaryn shoǵyrlandyrýǵa baılanysty qyzmettiń lıtsenzıary bolyp belgilensin.
3. Osy qaýly alǵashqy resmı jarııalanǵanynan keıin kúntizbelik jıyrma bir kún ótken soń qoldanysqa engiziledi.
Qazaqstan Respýblıkasynyń Premer-Mınıstri S. Ahmetov
