QR Premeri Indýstrııa jáne jańa tehnologııalar, munaı jáne gaz mınıstrlikteriniń basshylaryn ujymdarǵa tanystyrdy
ASTANA. Naýryzdyń 12-si. QazAqparat /Damır Baımanov/ - Qazaqstan Respýblıkasynyń Premer-Mınıstri Kárim Másimov ındýstrııa jáne jańa tehnologııalar, munaı jáne gaz mınıstrlikteri ujymdaryna Áset Isekeshev pen Saýat Myńbaevty tanystyrdy.
«Qaıta qurý nátıjesinde eki mınıstrlik: QR Indýstrııa jáne jańa tehnologııalar mınıstrligi jáne QR Munaı jáne gaz mınıstrligi quryldy. QR Prezıdentiniń Jarlyǵyna sáıkes Premer-Mınıstrdiń orynbasary-Indýstrııa jáne jańa tehnologııalar mınıstri qyzmetine Áset Órentaıuly Isekeshev taǵaıyndaldy. Jańadan qurylǵan munaı jáne gaz mınıstrligine basshy bolyp Saýat Muhametbaıuly Myńbaev taǵaıyndaldy. Jarlyqta olardyń qandaı qyzmetter atqaratyny naqty kórsetilgen», - dedi K.Másimov.
Atap aıtqanda, Premer Munaı jáne gaz mınıstrligi tek osy salalarmen ǵana emes, elektr energetıkasyn jáne basqa da qyzmetterdi qamtıdy.
«Buǵn qosa, Saýat Muhametbaıuly, Siz «QazmunaıGazben» de ózara qarym-qatynastaryńyzdy oılasýyńyz qajet, óıtkeni Memleket basshysy bizdiń kelisim-sharttarymyz boıynsha ókiletti organnyń máseleleri «QazMunaıGazdan» Munaı jáne gaz mınıstrligine berilýi tıis ekenin belgilep berdi», - dep qosty K.Másimov.
Úkimet basshysy dúısenbige, naýryzdyń 15-ine deıin kadr saıasatyna jáne barlyq zańdyq máselelerdi retteýge tapsyrma berdi.
«Kadr alasapyranyn jasaýdyń qajeti joq, jumys jasap jatqan barlyq adamdar óz jumystaryna jaýap berýleri, jumystaryn jalǵastyrýy tıis», - dep qortyndylady sózin Premer-Mınıstr.
