QR Premer-Mınıstriniń orynbasary QR BǴM-ǵa jergilikti jerlermen tyǵyz baılanysta jumys isteýdi júktedi

«Qazirgi múmkindikter men jaǵdaıdy eskere otyryp, bilim salasynyń Elbasy júktegen tapsyrmalardy oryndaýǵa barlyq múmkindigi bar. Ol úshin kúndelikti jumysty belsendi atqaryp, taldaý men baqylaý qajet. Meniń oıymsha, eń negizgisi - qazirgi tańda QR Bilim jáne ǵylym mınıstrligi ózge vedomstvolarmen, Ulttyq kásipkerler palatasymen, sondaı-aq eń bastysy, jergilikti jerlermen jumys isteýi kerek»,-dedi Úkimet basshysynyń orynbasary.

Osy oraıda B. Saparbaev vedomstvonyń óńirlermen jumystary tıisti deńgeıde atqarylmaı otyrǵandyǵyn synǵa aldy.

«Sonymen qatar oqýlyqtar men standarttar máselesine toqtalatyn bolsam, bul baǵyttaǵy jumystarǵa mınıstrliktiń sheneýnikteri ǵana emes, bilikti mamandar da aralasýy kerek. Elimizde jaqsy mamandar barshylyq»,-dedi vıtse-premer.