QR Premer-Mınıstriniń orynbasary ǵylymdy damytý boıynsha keńes ótkizdi
Vıtse-Premer ǵylym salasynyń qazirgi jaǵdaıyn synǵa aldy, ǵylymı zertteýler nátıjeliliginiń tómendigin, olardyń ekonomıkanyń damýyna áseriniń álsizdigin, ǵylymnyń óndirispen tıisti ózara baılanysynyń bolmaýyn, tájirıbelik-konstrýktorlyq jumystar úlesiniń tómendigin atap ótti.
E. Toǵjanov ǵylymdy qarjylandyrý júıesiniń, ulttyq ǵylymı keńester qyzmetiniń, ǵylymı-tehnıkalyq saraptama júrgizý kezinde sarapshylardy irikteý protsesiniń kemshilikterin de atap kórsetti.
Vıtse-Premer ǵylymı zertteýlerdiń nátıjeliligin arttyrýdyń, olardyń óndiristiń ǵylymdy qajetsinýine jáne ekonomıka salalaryn damytýǵa áserin kúsheıtýdiń, ǵylymdy damytý basymdyqtaryn durys aıqyndaýdyń mańyzdylyǵyn aıtty.
Premer-Mınıstrdiń orynbasary ǵylymı kadrlyq áleýetti nyǵaıtý, onyń ishinde shetelde jumys isteıtin qazaqstandyq ǵalymdardy tartý arqyly naqty sharalar ázirleý qajettigin jetkizdi.
Memleket basshysynyń Qazaqstan halqyna Joldaýynda aıtylǵan ǵylymı salany qarjylandyrý úderisterin jaqsartý jáne ǵylymnyń eldiń damýyna qosqan úlesi jónindegi tapsyrmalardyń oryndalýyna erekshe nazar aýdarý qajet.
E. Toǵjanov elimizdiń ǵylymı áleýetin damytý boıynsha jumys tobyn qurýdy, naqty is-sharalar josparyn ázirleýdi, Úkimetke ǵylymdy damytý jónindegi tujyrymdama jobasyn engizýdi, sondaı-aq ǵylym máseleleri boıynsha zańnamalyq aktilerge túzetýler engizý boıynsha jumysty jedeldetýdi tapsyrdy.
Ǵylymı ınstıtýttardyń, ǵalymdardyń usynystaryn tyńdaǵan Premer-Mınıstrdiń orynbasary kadr máselelerin sheshýge, jas ǵalymdardy qoldaýǵa, ǵylymı jobalarǵa bıznes qarajatyn tartýǵa, ekonomıka men áleýmettik salanyń naqty mindetterin sheshý úshin keshendi zertteýler júrgizýge erekshe nazar aýdarý qajettigin atap ótti.
