QR Premer-Mınıstriniń birinshi orynbasary Serbııanyń qorǵanys mınıstrimen kezdesti

ASTANA. QazAqparat - Qazaqstan Respýblıkasy Premer-Mınıstriniń birinshi orynbasary Asqar Mamın Serbııanyń qorǵanys mınıstri Aleksandr Výlınmen kezdesý ótkizdi, dep habarlaıdy primeminister.kz.

Kezdesý barysynda Qazaqstan men Serbııanyń qorǵanys-ónerkásip kesheni salasyndaǵy ekijaqty yntymaqtastyǵynyń ózekti máseleleri talqylandy. Taraptar áskerı-tehnıkalyq yntymaqtastyq salasyndaǵy birlesken jobalardy damytýǵa ázir ekenin rastady.

Asqar Mamın mártebeli meımanǵan resmı saparynyń Qazaqstan-Serbııa ekijaqty qarym-qatynasynyń damýyna qosymsha serpin beretinin aıta kele, seriktestikti tereńdete túsý úshin barlyq múmkindikterdiń bar ekendigin aıtty.

Óz kezeginde Serbııanyń qorǵanys mınıstri Qazaqstanǵa kelgen saparynyń nátıjeli bolǵandyǵyn atap ótti. Sapar barysynda áskerı-tehnıkalyq salada ózara tıimdi yntymaqtastyqty damytýdyń naqty kelisimderine qol jetkizilgen.