QR Premer-Mınıstriniń birinshi orynbasary: Polıtsııa taıaǵy qoldanylmaıtyn bolady
ASTANA. QazAqparat - Polıtsııa taıaǵy - bul bılik quraly. Bul pikirdi KTK telearnasynyń «Halyq qyzmetshisi» baǵdarlamasyna suhbat bergen QR Premer-Mınıstriniń birinshi orynbasary Baqytjan Saǵyntaev bildirdi.
«Jalpy, osy polıtsııa taıaǵynyń qajeti qansha? Menińshe, bul MAI kezinen qalǵan tarıhı ıdeıa. Tipti, bir jaǵynan alyp qaraǵanda, ony bılik quraly desek te bolady. Sondyqtan da biz zań boıynsha ysqyryq bar ekenin aıtamyz. Ony paıdalanýǵa bolady. Qolmen de kórsetýge bolady. Olaı bolsa, taıaqtan birtindep bas tartaıyq», - dedi birinshi vıtse-premer.
Onyń sózine qaraǵanda, 2017 jyldyń qańtaryna deıin birtindep taıaq qoldanystan shyǵarylatyn bolady.
«Joldyń ortasynda, kósheniń qıylysynda turyp, qozǵalysty retteıtin bolsań, onda ol úshin taıaqtyń qajet ekendigi túsinikti. Al jol boıynda turyp, kólikti toqtatý, óz bıligińdi kórsetý, rólde otyrǵan adamnan ózińniń joǵary ekendigińdi pash etý úshin taıaq paıdalaný - bul endi teńsizdik», - dedi B.Saǵyntaev.
Sonymen qatar, ol búgingi tańda jol polıtsııa qyzmetkerleriniń azaıýy tendentsııasy baıqalyp kele jatqandyǵyn basa aıtty.
«Polıtsııa qyzmetkerleriniń jol boıynda turyp, baqylaý júrgizbeýi úshin biz kóshelerdi barynsha vıdeokameralarmen jabdyqtaýymyz qajet. ıAǵnı, biz barlyǵyn da jedel basqarý ortalyǵy arqyly qadaǵalap otyrýymyz kerek», - dedi birinshi vıtse-premer.
