QR Premer-Mınıstriniń birinshi orynbasary oblystardyń, Astana men Almaty qalalarynyń ákimderimen selektorlyq keńes ótkizdi
ASTANA. Naýryzdyń 16-sy. QazAqparat - QR Premer-Mınıstri Kárim Másimovtiń tapsyrmasymen QR Premer-Mınıstriniń birinshi orynbasary Ómirzaq Shókeev búgin oblystardyń, Astana jáne Almaty qalalarynyń ákimderimen beınekonferentsııa túrinde selektorlyq keńes ótkizdi,
dep habarlady QR Premer-Mınıstriniń baspasóz qyzmeti.
Keńeste eldiń sý qoımalary men sý sharýashylyǵy nysandarynda tasqyn sýlar aǵynynyń qaýipsizdigin qamtamasyz etý máseleleri talqylandy.
Talqylaýdyń qorytyndysy boıynsha oblys ákimderine TJM aýmaqty bólimshelerimen, AShM Sý resýrstary komıtetimen jáne ІІM-men birge mynadaı shaalardy júzege asyrý jóninde tapsyrmalar berildi:
- kommýnaldyq, jeke menshiktegi jáne ıesiz sý qoımalary men sý kózderiniń tehnıkalyq jaı-kúıin muqııat tekserý;
- sýdy qaýipsiz ótkizý maqsatynda jóndeý-qalpyna keltirý júrgizýdiń qajetti kólemine kemshilikter týraly aktiler toltyrý;
- qajetti materıaldyq-tehnıkalyq shyǵyndar kólemin anyqtaý, qarjylandyrý kózderin belgileý;
- sý qoımalary men sý kózderiniń apattyq qaýipti ýchaskelerine táýlik boıy kezekshilik uıymdastyrý, qajet bolǵan jaǵdaıda jedel sharalardy qolǵa alýdy qamtamasyz etý;
- sý qoımalary men basqa da sý sharýashylyǵy qurylystarynyn paıdalaný erejelerin saqtaýǵa tikeleı jaýapty adamdardy belgileý jáne baqylaýdy kúsheıtý, tótenshe oqıǵalardyń paıda bolýyna jol bermeý jónindegi jedel sharalardy qabyldaý.
