QR Premer-Mınıstriniń birinshi orynbasary Ó.Shókeev «QazAgro» holdınginiń qyzmetimen tanysty

«Ózderińizge belgili, bizde Elbasynyń tapsyrmasymen mal sharýashylyǵyn damytý baǵdarlamasy iske asyp jatyr. 1 shildeden bastap Qazaqstan men Reseı arasyndaǵy kedendik baqylaý alynyp tastaldy. Qazir shekarada barlyq baqylaý alynyp, bizge eksporttyq taýarlardy Reseıdiń naryǵyna jetkizýge barlyq múmkinshilik týyp otyr. Sondyqtan osy baǵdarlamanyń iske asyrylý barysyn qadaǵalap, bıyl keıbir máselerin talqylaýdyń reti kelip tur», - dedi ol BAQ ókilderine suhbat berý barysynda.

Onyń atap ótýinshe, bul baǵdarlama boıynsha 5 jyldyń ishinde elimizde 300 myń bas iri qara malǵa arnalǵan fermerlik sharýashylyqtar qurylady.

Sol sharýashylyqtardyń barlyǵy oblystarda qurylyp jatqandyǵyn atap ótken Ó.Shókeev: «Qazir 10 myń bas asyl tuqymdy iri qara elge alyp kelindi. Olardyń 2,5 myńy byltyr jetkizilse, 10 myńy aǵymdaǵy jyly ákelinedi. Onyń 2,5 myńy bıylǵy qysta óte jaqsy qystap shyǵyp, tól alyndy. Osynyń barlyǵy baǵdarlamanyń durys baǵytta júrgizilip otyrǵandyǵyn dáleldeıdi», - dedi ol.