QR Premer-Mınıstriniń birinshi orynbasary B. Saǵyntaevtyń tóraǵalyǵymen ruqsat berý júıesin jetildirý máseleleri jónindegi VAK-tyń osy jylǵy qorytyndy otyrysy ótti
ASTANA. 26 qarasha. QazAqparat - Búgin QR Premer-Mınıstriniń birinshi orynbasary Baqytjan Saǵyntaevtyń tóraǵalyǵymen ruqsat berý júıesin jetildirý máseleleri jónindegi vedomstvoaralyq komıssııanyń (VAK) onynshy osy jylǵy qorytyndy otyrysy ótti. VAK-tyń sońǵy otyrysy QR ruqsat berý júıesiniń aýqymdy túgendeý jumystaryn aıaqtaıdy.
Bul týraly QR Premer-Mınıstriniń baspasóz qyzmetinen habarlandy.
VAK músheleri qazaqstandyq bıznes ókilderinen quralǵan saraptamalyq toppen birigip QR ruqsat berý júıesiniń túgendeý jumystarynyń nátıjelerine taldaý jasady. Túgendeý jumystary komıssııaǵa Qazaqstandaǵy kásipkerlerge mindetti qazirgi barlyq ruqsattardy berýdi kórýge múmkindik berdi.
Sarapshylardyń kóbinese memlekettik qurylymdardyń ókilderi qarsy bolǵan sheshimderi men usynymdary boıynsha talqylaý jáne ashyq daýys berý VAK-ty bıznes pen bıliktiń tıimdi jumys isteıtin dıalogtyq alańyna aınaldyrdy.
Jalpy VAK-tyń qorytyndy jumysy boıynsha 925 ruqsat berý qujattary qaraldy, onyń 51-i kúshin joıyp, 6-y habarlama berý tártibine aýystyryldy, 116 ruqsat berý qujattary «Ruqsattar men habarlamalar týraly» zań jobasymen belgilengen ruqsattardyń belgisine sáıkes kelmegendikten tizbeden alynyp tastaldy. Ol aǵymdaǵy jyldyń sońyna deıin Parlamentke qaraýǵa engiziletin bolady.
«Atalǵan zań jobasy VAK jumysynyń negizgi qorytyndysy bolady. Degenmen, Qazaqstannyń birinshi quqyq qoldaný tájirıbesinde ruqsattardyń tolyq tizbesi men olardy engizý men kúshin joıýdyń biryńǵaı tártibi belgilenýde», - dep atap ótti Baqytjan Saǵyntaev.
Sońynda zań jobasynyń qosymshasynda 758 qujat bekitildi, onyń 719-y ruqsattar jáne 39-y habarlamalar. Zań qabyldanǵannan keıin kez kelgen jańa ruqsat bizdiń memlekette VAK maquldaǵannan keıin jáne zańǵa qosymsha bolyp tabylatyn tizbege engizilgennen keıin ǵana paıda bola alady.
Sonymen qatar, QR birinshi vıtse-premeri zań jobasy VAK-tyń mártebesin onyń ókilettikterin keńeıte otyryp, turaqty jumys isteıtin alqaly organ retinde bekitetinin eskertti.
Esterińizge sala keteıik, Vedomstvoaralyq komıssııa 2015 jylǵa deıingi ruqsat berý júıesin odan ári reformalaý tujyrymdamasyna sáıkes 2012 jyly Úkimet qaýlysymen qurylǵan, sonymen qatar, «Ruqsattar men habarlamalar týraly» biryńǵaı Zań jobasyn ázirleý arqyly QR ruqsat berý zańnamasyna jańa qaǵıdattardy engizý týraly Memleket basshysynyń tapsyrmalaryn oryndaý negizinde qurylǵan. VAK-tyń quramyna QR birinshi vıtse-premeriniń basshylyǵymen birqatar ortalyq atqarýshy organdardyń birinshi basshylarynyń orynbasarlary, «Nur Otan» partııasynyń ókilderi, Parlament depýtattary jáne bıznes-qoǵamdastyqtarynyń ókilderi kirdi.
