QR Premer-Mınıstri «Jibek joly» konferentsııasynda sóz sóıledi
TANA. 30 qarasha. QazAqparat - Búgin el Premer-Mınıstri Kárim Másimov beınebaılanys boıynsha «Jibek joly» halyqvaralyq konferentsııasynyń ashylýynda quttyqtaý sóz sóıledi, dep habarlady http://pm.kz.
Óz sózinde Kárim Másimov Qazaqstannyń táýelsizdik jyldarynda qol jetken tabystaryn atap ótti.
«Biz táýelsizdik jyldarynda qol jetkizgen tabystarymyzdy zor maqtanysh etemiz. Bizdiń ekonomıkamyz álemniń qaryshtap damyp otyrǵan ekonomıkalarynyń ondyǵyna kirip otyr. Halyqtyń jan basyna shaqqandaǵy tabysy on eki ese ósti. Búkilálemdik bank Qazaqstandy orta deńgeıden joǵary kirisi bar elder qataryna qosty jáne jáne el álem ekonomıkasynyń 50-ligine kirdi», - dedi Kárim Másimov.
Premer-Mınıstr sondaı-aq Qazaqstan «bıznes ortasyn úshin jaǵdaıdy jáne zańanamalyq bazany jetildirý jolymen ınvestıtsııalyq ahýaldy jaqsartý» saıasatyn júrgizip otyrǵanyn atap kórsetti.
«Halyqaralyq áriptesterimiz ben sheteldik ınvestorlar bizge zamanaýı ekonomıka úshin negiz qalaýǵa kómektesti, bolashaqta biz birlesken áriptestiktiń keńeıýin kútemiz», atap ótti forým qatysýshylaryna arnaǵan sózinde Kárim Másimov.
«Jibek joly» konferentsııasy Almaty qalasynda 30 qarashada ótip jatyr, ol óz jumysyn 1 jeltoqsanda aıaqtaıdy. Oǵan 150-den astam ekonomıkanyń túrli salalarynyń, memlekettik organdardyń basshylary, iri kompanııalardyń joǵary basqarýshylyq býynynyń ókilderi men sarapshylar qatysýda.
Atalmysh konferentsııany The Economist Group-qa kiretin Economist Conferences uıymdastyrdy. Sammıttiń maqsaty - Ortalyq Azııa elderiniń ekonomıkasyndaǵy naqty ekonomıkalyq áleýetti zertteý. Budan basqa, forým qatysýshylary aǵymdaǵy jaǵdaıǵa taldaý jasap, sondaı-aq Ortalyq Azııa aımaǵynyń ónerkásip sektory damýynyń jańa mysaldaryn zerdeleıdi.
