QR Premer-Mınıstri Jibek joly halyqaralyq forýmy delegatsııasynyń basshylarymen kezdesti
ASTANA. Qazaqparat - Úkimet úıinde QR Premer-Mınıstri Kárim Másimov Astanada 8 men 10 jeltoqsan aralyǵynda ótkizilip jatqan Jibek joly Halyqaralyq mádenı forýmy delegatsııasynyń basshylarymen kezdesý ótkizdi.
Kezdesý barysynda ShYU aıasyndaǵy jan-jaqty mádenı-gýmanıtarlyq ózara is-qımyldyń ózekti máseleleri talqylandy. Kárim Másimov kelesi aptada Astanada ótetin ShYU múshe memleketteriniń Úkimetteri basshylary Keńesiniń otyrysy qarsańynda Halyqaralyq mádenı forýmdy ótkizýdiń mańyzdylyǵyn atap ótti, dep habarlandy Úkimet basshysynyń saıtynda.
«ShYU ekonomıkalyq qana emes, sondaı-aq mádenı yntymaqtastyq dep esepteımin. Kez kelgen uıymda rýhanı jasaýshy bolmasa, ol uıym ómir súrýge qabiletti emes», - dep basa aıtty QR Premer-Mınıstri.
Jibek joly Halyqaralyq mádenı forýmy alǵash ret ótkizilýde jáne ol halyqaralyq mádenı baılanystardyń memlekettik emes tuǵyrnamasy bolyp tabylady. Oǵan iri murajaılar men teatrlar basshylary, ǵalymdar, mádenıet jáne óner qaıratkerleri, saıasatkerler, halyqaralyq uıymdar ókilderi jáne ShYU múshe memleketterden kelgen kásipkerler qatysady.
