QR Premer-Mınıstri jańadan taǵaıyndalǵan mınıstrlerge vedomstvolardy qaıta qurýmen baılanysty sharalardy qysqa merzmde júrgizýdi tapsyrdy
ASTANA. Naýryzdyń 12-si. QazAqparat - QR Premer-Mınıstri Kárim Másimov mınıstrlikter ujymdaryna QR Prezıdenti Nursultan Nazarbaevtyń Jarlyqtarymen juma kúni, naýryzdyń 12-sinde qaıta qurylǵan vedomstvolardyń jańadan taǵaıyndalǵan basshylaryn tanystyrdy,
dep habarlady Úkimet basshysynyń baspasóz qyzmeti.
Budan buryn habarlanǵanyndaı, Premer-Mınıstr qaıta qurýǵa baılanysty taratylǵan QR Indýstrııa jáne saýda mınıstrliginiń saýda salasyndaǵy qyzmetteri men ókildikteri Ekonomıkalyq damý jáne saýda mınıstrliginiń qaraýyna beriletinin atap ótti. Ol «ındýstrııalyq saıasatty júzege asyrý úshin qajetti barlyq máseleler shuǵyl sheshilýi tıis» ekenin atap ótti. K.Másimov Vıtse-premer-Indýstrııa jáne jańa tehnologııalar mınıstri Áset Isekeshevke «kadrlar alasapyranyna» jol bermeı, barlyq uıymdastyrý máselelerin qysqa merzimde retteýdi tapsyrdy. «Óz jumysy bóligine jaýap beretin barlyq adamdar, ony jalǵastyrýy tıis», - dep atap kórsetti K.Másimov.
Munaı jáne gaz mınıstri Saýat Myńbaevty tanystyra otyryp, K.Másimov «Memleket basshysy búgin elimizdiń negizgi baılyqtarynyń biri munaı men gaz jónindegi mindetterdi jiti alǵa qoıdy», dep atap ótti. Ol munaı-gaz sektoryn damytý saıasatyn júrgizýde kómirsýtekter jobalarynda memlekettik múddelerdiń saqtalýyn qamtamasyz etý qajet, Prezıdenttiń tapsyrmalaryn tıimdi júzege asyrýda mınıstrlikte barlyq qajetti fýnktsııalar bar», dep atap ótti. «Elektr energetıkasy, atom jáne basqa da salalar fýnktsııasy Indýstrııa jáne jańa tehnologııalar mınıstrligine kóshedi», - dedi K.Másimov.
Premer-mınıstr sondaı-aq qaıta qurylǵan Ekonomıkalyq damý jáne saýda mınıstrligi ujymyna jańa basshy - Janar Aıtjanovany tanystyrdy. Ol mınıstrdiń aldyna ekonomıka salasyndaǵy josparlaý strategııasy, Keden odaǵy, sondaı-aq DSU-ǵa kirý jónindegi qyzmetterdi eskere otyryp, ishki jáne syrtqy saýdany damytý mindetterin qoıdy.
Premer-mınıstr qaıtadan qurylǵan Mádenıet mınıstrliginiń basshysy Muhtar Qul-Muhammedke Ádilet mınıstrliginen azamattardyń dinı ustanymy erkindigi quqyqtaryn qamdamasyz etý jáne dinı birlestiktermen ózara is-qımyl jónindegi fýnktsııalardyń berilýine, sondaı-aq memekettik tildi damytý jónindegi ókilettilik júktelip otyrǵanyna baılanysty birqatar tapsyrmalar berdi.
Aqparattandyrý jáne baılanys agenttiginiń bazasynda qurylǵan Baılanys jáne aqparat mınıstrliginiń jańa basshysy Asqar Jumaǵalıevti tanystyra otyryp, Premer--Mınıstr aqparat, aqparattandyrý, jańa aqparattyq tehnologııalardy engizý, sondaı-aq sandyq jáne spýtnıktik habar taratý salalaryn retteýmen baılanysty mindetterdi qoıdy.
Premer-Mınıstr jańadan taǵaıyndalǵan basshylarǵa vedomstvolardy qaıta qurýmen baılanysty sharalardy qysqa merzimde júrgizýdi tapsyrdy.
