QR Premer-Mınıstri «Turǵynúıqurylysjınaqbankiniń» menedjmentin synǵa aldy
ASTANA. 22 qazan. QazAqparat - Qazaqstannyń batys óńirlerinde turǵynúıqurylysjınaq júıesi boıynsha belsendiliktiń azdyǵy baıqalady.
Bul týraly búgin Úkimet otyrysynda QR Premer-Mınıstri Serik Ahmetov aıtty.
Úkimet basshysynyń pkirinshe, bul jaǵdaıdyń basty sebebi Qazaqstan «Turǵynúıqurylysjınaqbankiniń» nashar menedjmenti.
Óskemende, Oralda, Shymkentte jáne Qostanaıda kórinip otyrǵan belsendilik batystaǵy Atyraý men Mańǵystaýdan eki esege jýyq joǵary. Munyń syry nede bolýy múmkin jáne Aqtóbeniń Atyraýdan artyqshylyǵy nede? Aqtóbede turǵynúıqurylysjınaq júıesi boıynsha 2,5 myńnan astam ótinim qabyldansa, Atyraýda nebári - 418», - dedi S. Ahmetov otyrysqa qatysýshylarǵa qarata.
Onyń paıymynsha, munyń syry bank pen onyń aımaqtardaǵy bólimsheleriniń álsiz menedjmentinde bolyp otyr.
«Sondaı-aq, banktiń ákimdiktermen, jergilikti oryndaýshy organdarmen jumys jasaýy álsiz. Sizderdiń basty tapsyrmalaryńyz - osy jaǵdaıdyń basyn ashý, ákimdermen birge óńirlerdi aralap, baǵdarlamalaryńyzdy naqty kórsetip, artyqshylyqtaryn túsindirý. Ákimderdiń tapsyrmasy - sizderdi jermen, sáıkesinshe ınfraqurylymmen qamtamasyz etý, al sizderdiń basty jumystaryńyz - qurylysty ınvestıtsııalaý», - dedi S. Ahmetov.
