QR Premer-Mınıstri sút ónimderin óndiretin kásiporyndy aralady
ASTANA. QazAqparat - QR Premer-Mınıstri Baqytjan Saǵyntaev sút ónimderin óndiretin kásiporyn «Nátıje» Sút fabrıkasy» JShS-in aralady, sondaı-aq óńirdiń aýyl sharýashylyǵyn damytý barysymen tanysty, dep habarlaıdy primeminister.kz.
Kásiporynnyń bas dırektory Erlan Áshim sút fabrıkasynyń aǵymdaǵy qyzmeti jáne onyń perspektıvalary týraly baıandady jáne qoldanylatyn tehnologııalar men sút ónimderin óndiretin tehnologııalyq jeliler ornalasqan óndiristik tsehtiń jabdyqtary týraly málimdedi.
Sondaı-aq, jalpy óńirdiń aýyl sharýashylyǵyn damytý týraly baıandama usynyldy.
QR Prezıdenti N. Nazarbaevtyń tapsyrmasyna sáıkes, taıaý bes jylda aýyl sharýashylyǵy ónimderi óndirisi jáne qaıta óńdeý ártaraptandyrýdyń negizgi kózi jáne ekonomıkalyq ósimniń qozǵaýshy kúshi bolýy tıis. Osyǵan baılanysty, AÓK damytýdyń 2017-2019 jyldarǵa arnalǵan memlekettik baǵdarlamasy aıasynda qaıta óńdeý jáne jumys istep turǵan kásiporyndardy júkteý úlesin arttyrý boıynsha keshendi jumys júrgizilýde.
