QR Premer-Mınıstri SoftBank Investment Advisers tóraǵasymen kezdesti

NUR-SULTAN. QazAqparat - QR Premer-Mınıstri Asqar Mamın SoftBank Investment Advisers tóraǵasy Radjıv Mısramen kezdesý ótkizdi, dep habarlaıdy QazAqparat primeminister.kz-ke silteme jasap.

Júzdesý barysynda sheteldik ınvestıtsııalar men zamanaýı ınnovatsııalyq tehnologııalardy tartý máseleleri talqylandy. Investıtsııalyq holdıng el ekonomıkasyna ınvestıtsııa salýdyń artyqshylyqtarymen tanysyp, birlesken jobalardy is júzinde júzege asyrýǵa qyzyǵýshylyq tanytty.

SoftBank Investment Advisers venchýrlik qarjylandyrýǵa mamandandyrylǵan jáne álemdegi eń iri ınvestıtsııalyq qorlardyń biri, naryqtyq kapıtalızatsııasy $100 mlrd quraıtyn SoftBank Group bóligi. Qor Alibaba, Yahoo, Uber sekildi jahandyq tehnologııalyq kóshbasshylardyń aktsııalarynyń ıesi.

SoftBank 2000 jylǵy Forbes Global tizimine kiredi jáne álemde kapıtaldandyrý boıynsha 36-orynda, Japonııada Toyota-dan keıin kapıtaldandyrý boıynsha 2-orynda (2019 jylǵy 1 toqsan).