QR Premer-Mınıstri Shymkentke jumys saparymen keldi
Premer-Mınıstr aldymen qaladaǵy káriz-tazartý júıeleriniń aýmaǵynda bolyp, qaldyq sýdy tazartý júıesin kórip, qaldyqtan elektr energııasyn alatyn bıogaz qondyrǵysynyń jumysymen tanysty.
Aıta keteıik, qala turǵyndarynyń káriz júıesimen qamtylý deńgeıi búginde 49,1% qurap otyr. Qala aýmaǵynda 2 káriz tazalaý nysany jumys atqarýda. Olardyń qatarynda -«Sý resýrstary-Marketıng» JShS-niń qýattylyǵy táýligine 150 myń m3 / quraıtyn káriz tazalaý ımaraty men-«Sý jáne kanalızatsııa basqarmasy» MKK-nyń qýattylyǵy táýligine 500 m3 quraıtyn Toǵys káriz tazalaý ımaraty bar. Jalpy, qalada qoldanystaǵy qýattylyǵy 80 myń m3/táýligine quraıtyn kárizdi tazartý ımaraty (KTI) 1983 jyly paıdalanýǵa berilgen. Onda 2016 jyly qaıta qurý jumystary júrgizilip, 150 myń m3/táýligine qýattylyqqa jetkizildi.
Qalanyń soltústik bóliginiń qarqyndy damýyna baılanysty kárizdi tazartý ımaraty 100% júktemede jumys atqarýda. Osyǵan baılanysty, Bas josparǵa sáıkes qalanyń aldaǵy ýaqytta damýyna qosymsha 2 káriz tazalaý ımaratynyń (KTI) qurylysyn júrgizý qajettiligi týyndap otyr. Olardyń qurylysy ishki káriz júıeleriniń paıdalanýǵa berilýi eskerilip, kezeń kezeńimen júrgiziletin bolady.
Aıta ketsek, qazirgi tańda, jobanyń tehnıkalyq-ekonomıkalyq negizdemesi tolyǵymen ázirlendi. Saraptama qorytyndysyn 1-shi tamyzda alý josparlanýda. Qorytyndysyna sáıkes, alǵashqy nysannyń jobalyq smetalyq qujattamasyn ázirleýge 115 mln teige, al №2 káriz tazalaý ımaratynyń jobalyq qujattamasyn ázirleýge 45 mln teńge qarjy qarastyrý qajet. Qalalyq bıýdjetten ońtústik jáne soltústik bóligindegi 2 magıstraldyq káriz kollektory qurylysyn salýǵa jobalaý-smetalyq qujattamasyn ázirleýge qarjy qaralyp, memlekettik satyp alý konkýrsy júrgizilýde. Sondaı-aq, búgingi tańda, Ulaǵat, Mıras shaǵyn aýdandarynan bastap Arǵynbekova kóshesi boıymen №2 káriz tazalaý ımaratyna deıngi káriz kollektorynyń qurylysyna jobalyq smetalyq qujattama ázirlendi. Joba quny 3,6 mlrd teńgeni quraıdy.
