QR Premer-Mınıstri Serik Ahmetovtyń resmı saıty jumys isteı bastady
ASTANA. 6 qarasha. QazAqparat - Búgin QR Premer-Mınıstri Serik Ahmetovtyń www.primeminister.kz resmı saıty jumys isteı bastady, dep habarlandy mınıstrler kabıneti basshysynyń baspasóz qyzmetinen.
Saıtta Úkimet basshysynyń qyzmeti jóninde tolyq ári jedel aqparat beriledi. Saıttyń bólimderi (taraýlary) foto jáne beınematerıaldar muraǵattarynan turady, sondaı-aq baıandamalar men sóz sóıleýler, resmı qujattardyń kóshirmeleri, memlekettik jáne salalyq baǵdarlamalardy iske asyrý barysy, eldiń áleýmettik-ekonomıkalyq damýynyń negizgi baǵyttary qamtylǵan. Saıtta Premer-Mınıstr men Úkimet músheleriniń ómirbaıandary usynylǵan.
Oǵan qosa ınternet-resýrste Úkimet otyrystary men basqa da sharalardyń onlaın-kórsetilimi uıymdastyrylatyn bolady. Saıttyń yńǵaıly navıgatsııasy qajetti aqparatty tez arada taýyp berýge kómektesedi.
QR Premer-Mınıstrdiń resmı saıty táýlik boıyna jumys isteıdi.
