QR Premer-Mınıstri Serik Ahmetov Astananyń birqatar mádenı nysandaryn aralady
ASTANA. 14 aqpan. QazAqparat - Búgin QR Premer-Mınıstri Serik Ahmetov Astana qalasynyń birqatar nysandaryn aralap, Memleket Basshysynyń elordany damytý boıynsha tapsyrmalarynyń oryndalý barysymen tanysty, dep habarlaıdy www.primeminister.kz saıtynan.
Atap aıtqanda, S.Ahmetov «Astana opera» Memlekettik opera jáne balet teatryn kórdi. Sondaı-aq, QR Tuńǵysh Prezıdentiniń Qory jáne Kitaphanasy ǵımaratynyń qurylysymen tanysty. Bul nysannyń jalpy aýmaǵy 30 myń. sharshy metrden astam.
Ústimizdegi jylǵy aqpan aıyna deıin qurylys jumystarynyń 40%-y atqarylǵan nysanda 500- den astam adam eńbek etip jatyr. Syrtqy kórinisi erekshe shar keıipti ǵımarattyń avtory - álemge áıgili sáýletshi Norman Foster.
