QR Premer-Mınıstri Semeıdiń jylýmen qamtamasyz etý júıesiniń jaǵdaıymen tanysty
«Nurly jol» baǵdarlamasy aıasynda jylýmen qamtamasyz etý nysandaryna jóndeý júrgizilip jatyr, ony júzege asyrý aımaqta jylý berýshilerdiń bastapqy kezektegi mindetine jatady.
Semeıde QR Premer-Mınıstri Kárim Másimovke qalanyń eń iri jylý kózderiniń biri JEO-1 jóndeý barysy tanystyryldy.
Qýaty 342 Gkal/saǵ bolatyn JEO-1 turyn úılerdiń 70% jáne sol jaq jaǵalaýdyń ákimshilik ǵımarattaryn - 324 myń kóp qabatty úıdi, 41 áleýmettik nysandy, 21 974 turǵyndy jylýmen qamtamasyz etedi. Jylý jelileriniń uzyndyǵy - 86,3 km.
Semeıdiń jylýmen qamtamasyz etý jaǵdaıy týraly oblys ákimi D. Ahmetov baıandady. Ol máseleni sheshý úshin jańa JEO salý kerektigin atap ótti. Joba ázirleý jáne kelisý kezeńinde tur.
Eske sala ketsek, Semeıdiń 17 jylý kózi keste boıynsha qysqa daıyndalyp jatyr. Semeıde «Nurly jol» baǵdarlamasy boıynsha jalpy 3 mlrd 45 mln teńge somaǵa 10 joba júzege asyrylýda.
«Nurly jol» ınfraqurylymdyq damýdyń 2015-2019 jyldarǵa arnalǵan memlekettik baǵdarlamasy Qazaqstan Respýblıkasy Prezıdentiniń 2015 jylǵy 6 sáýirdegi Jarlyǵymen bekitilgen. Baǵdarlamanyń maqsaty - Qazaqstannyń uzaq merzimdi ekonomıkalyq ósimin qamtamasyz etý úshin makroóńirlerdi yqpaldastyrý negizinde habtyq qaǵıda boıynsha biryńǵaı ekonomıkalyq keńistik qalyptastyrý.
«Sáýleli» qaǵıda boıynsha tıimdi kólik-logıstıkalyq ınfraqurylym qurý «Nurly jol» baǵdarlamasynyń basty mindetterine jatady.
2015 jáne 2019 jyldar aralyǵynda kólik salasyndaǵy 16 jobany júzege asyrý kózdelgen.
