QR Premer-Mınıstri Semeıdegi Nazarbaev zııatkerlik mektebine bardy
ASTANA. QazAqparat - QR Premer-Mınıstri Baqytjan Saǵyntaev Shyǵys Qazaqstan oblysyna jumys sapary barysynda Nazarbaev zııatkerlik mektebiniń Semeı qalasyndaǵy bólimshesiniń jumysymen tanysty.
«Daryndy balalarǵa arnalǵan mekteptiń 2016 jyldyń sońynda paıdalanýǵa berilgen jańa ǵımaratyn aralaý barysynda Baqytjan Saǵyntaev ózin-ózi taný, nanotehnologııalar, bıotehnologııalar kabınetterin, qysh qumyra sheberhanasyn, ashana men kitaphanany aralady. Mektep dırektory B. Qaıyrjanov oqý ornynyń jetistikteri týraly aıtty», dep habarlaıdy Úkimettiń saıty .
Nysannyń biregeıligi - 720 oqýshyǵa arnalǵan negizgi oqý korpýsynyń 120 orynǵa arnalǵan jataqhana korpýsy bar. Bul shalǵaıdaǵy aýyldardan kelgen daryndy balalarǵa ınternatta turyp, oqýǵa múmkindik beredi.
Mekteptiń jeti jyldyq jumysy aralyǵynda 466 túlek bitirgen, olardyń 34-i «Altyn belgi» ıegeri, 22-si úzdik attestat ıegeri. Mektep túlekteri óz oqýlaryn otandyq jáne shet elderdegi JOO-larda jalǵastyryp jatyr. Nazarbaev ýnıversıtetinde 156 túlek, QR joǵarǵy oqý oryndarynda - 283, shetelde - 26 túlek bilim alyp júr.
