QR Premer-Mınıstri «Samuryq-Qazyna» Dırektorlar keńesiniń otyrysyn ótkizdi
Otyrys barysynda jekeshelendirýdiń 2016-2020 jyldarǵa arnalǵan keshendi josparyn iske asyrý jáne túzetý máseleleri talqylandy. Qordyń táýekelderin basqarý saıasaty máseleleri boıynsha esepter tyńdalyp, ishki baqylaý júıesin odan ári jetildirý sharalary bekitildi. Sonymen qatar, Qordyń qaıyrymdylyq jumysynyń qorytyndysy shyǵarylyp, sondaı-aq, birqatar protsedýralyq máseleleri sheshildi.
«Atyraý halyqaralyq áýejaıy» AQ, «Aqtóbe halyqaralyq áýejaıy» AQ, «Pavlodar áýejaıy» AQ tıisti oblys ortalyqtarynyń ákimdikteriniń kommýnaldyq menshikterine berý týraly sheshim qabyldandy. Atalǵan sheshim kólik qoljetimdiligi men halyq jumylǵyshtyǵyn qamtamasyz etýdi, sondaı-aq óńirlerdi damytý úshin áýejaılardyń áleýmettik mańyzyn eskere otyryp qabyldandy.
Qordyń Kompanııalar tobynyń negizgi qyzmetinen túsken kiristeri 2018 jyly 35%-ǵa ulǵaıtylǵany atalyp ótti. Taza kiris kólemi 2017 jylǵy kórsetkishtermen salystyrǵanda 2 esege ósken. Oń óndiristik qarjylyq nátıjeler Qorǵa densaýlyq saqtaý, salaýatty ómir salty, medıtsına, bilim berý jáne qaıyrymdylyq salalarynda áleýmettik baǵdarlamalardy iske asyrýdy jalǵastyrýǵa jáne keńeıtýge jol ashty.
Otyrys aıasynda Qordyń qaıyrymdylyq baǵdarlamasyn oryndaýdyń 2018 jylǵa arnalǵan Jyldyq esebi qaraldy. Qor atynan qaıyrymdylyq sharalaryn oryndaıtyn operator - Samruk-Kazyna Trust Korporatıvtik qory. 2018 jyly Korporatıvtik qor 250 000-nan astam adamdy qamtı otyryp, 5,5 mlrd-tan astam teńgege 32 qaıyrymdylyq jobasyn qoldady. Baǵyttar kelesi sanattardy qamtıdy: áleýmettik jáne medıtsınalyq sektorlarda adamdarǵa, qoǵamdastyqtarǵa kómektesý, medıany, mádenı qaýymdastyqty, adam áleýetin damytý, eńbek qatynastaryn nyǵaıtý, qoǵamnyń turaqty damýyna ınvestıtsııalar, sondaı-aq, Qor toby bar óńirlerde áleýmettik ınvestıtsııalardyń óńirlik baǵdarlamalaryn iske asyrý.
