QR Premer-Mınıstri «Pavlodar» AEA-daǵy birqatar nysandardy aralady
ASTANA. QazAqparat - Pavlodar oblysyna jumys sapary aıasynda QR Premer-Mınıstri Baqytjan Saǵyntaev «Pavlodar» arnaıy ekonomıkalyq aımaǵyn (AEA) aralady jáne onda iske asyrylyp jatqan jobalarmen tanysty, dep habarlaıdy primeminister.kz.
«Pavlodar» AEA qyzmetiniń basym baǵyttary hımııa jáne munaı-hımııa salalaryndaǵy óńdeý ónerkásibimen baılanysty.
AEA-da iske asyrylǵan jobalardyń biri «ÝPNK-PV» JShS bolyp tabylady, ol «Qazaqstan elektrolız zaýyty» AQ qajettilikteri úshin munaı koksyn qyzdyrýmen aınalysady. «ÝPNK-PV» JShS dırektory N. Áýbákirov kásiporynda ónimdilik pen ónim sapasyn arttyrýǵa múmkindik beretin zamanaýı jabdyqtar jáne ınnovatsııalyq tehnologııalar qoldanylatynyn baıandady. Qazirgi tańda ónimdi otandyq naryqpen qatar Reseı Federatsııasyna jáne Qytaıǵa eksportqa jiberý múmkindigi pysyqtalýda.
Budan ózge, «Pavlodar» AEA aýmaǵynda «Gissenhaus» JShS-niń qosarlanǵan alıýmınıı óndirý boıynsha jańa jobasy iske asyryldy. Zaýyt dırektory E. Shfets joba qýaty jylyna 36 myń tonna alıýmınııdi quraıtynyn baıandady.
Kásiporyn ónimi ishki naryqqa jiberiledi jáne alıýmınııden jasalǵan joǵary tehnologııalyq buıymdarǵa suranysty qamtıdy.
