QR Premer-Mınıstri otandyq kásiporyndarǵa «Paryz» syılyǵynyń altyn belgilerin tapsyrdy
Bul týraly Úkimet basshysynyń saıtynan habarlandy.
Myna nomınatsııalar boıynsha syılyqtar: «Jyldyń úzdik áleýmettik jobasy» - Shyǵys Qazaqstan oblysynyń «Vostokselhozprodýkt» JShS-ne, «Úzdik ujymdyq kelisim-shart» - Pavlodar oblysynyń «Aksý Farm Tsentr» JShS-ne, «Bıznestiń áleýmettik jaýapkershiligi boıynsha úzdik joba» - Astana qalasynyń «Lýkoıl Oversız Servıs Ltd.»-ne jáne «Ekologııaǵa qosqan úlesi úshin» - Qostanaı oblysynyń «ILIN» JShS-ne tapsyryldy.
Búgin Údemeli ındýstrııaldyq-ınnovatsııalyq damýdyń memlekettik baǵdarlamasy sheńberinde 2012 jyldyń ekinshi jartysynda paıdalanýǵa berilgen Indýstrııalandyrý kartasynyń ınvestıtsııalyq jobalarynyń tusaýkeserine arnalǵan Jalpyulttyq telekópir barysynda Elbasy Nursultan Nazarbaev 10 jańa kásiporyndy iske qosady.
Indýstrııalandyrý kartasynda barlyǵy 779 joba bar. 2012 jyly Indýstrııalandyrý kartasy sheńberinde 162 jańa óndiris orny iske qosyldy.
2010-2012 jyldar arasynda 537 joba iske qosyldy, 277 joba (nemese iske qosylǵandardyń 51,6%) - 50% jáne odan joǵary deńgeıde júkteme alǵan, al 141- tolyq kólemde jumys istep tur. Budan basqa, 305 kásiporyn túpki ónimdi óndirse, 36 kásiporyn 520 mıllıard teńgeniń ónimderin eksportqa shyǵardy. Jańa kásiporyndar 1 trıllıon 400 mıllıon teńgeniń ónimin óndirdi.
