QR Premer-Mınıstri ormannyń qasaqana órtelýine jol bermes úshin bul máseleni aıryqsha baqylaýǵa alýdy tapsyrdy

Mundaı mindetti Premer-Mınıstr Úkimette búgin ótken selektorlyq keńeste júktedi.

«Men áriptesterimmen tıisti áńgime júrgizdim. Aǵashtardy kesý úshin kóbine ormandy qasaqana órteıdi. Osynyń aınalasynda ózindik bıznes bar kórinedi. Sondyqtan bul másele aıryqsha baqylýda bolýy shart», - dep atap ótti Úkimet basshysy.

Órt qaýipsizdigine baılanysty ár oblysta oblystyq shtabtar qurý kerektigine toqtalǵan K.Másimov, «sondaı-aq respýblıkalyq shtab quramyz. Onyń bazasy retinde Tótenshe jaǵdaılar mınıstrligi bekitiledi», - dedi.

Úkimet basshysynyń sózine qaraǵanda, shtab jumysyn úılestirý Premer-Mınıstrdiń birinshi orynbasary Ómirzaq Shókeevke tapsyrylady.

«Órtke qarsy qaýipsizdik máselesi aldaǵy birneshe aptada birinshi kezekte turǵan sharalardyń biri bolady. Sondyqtan, oblys ákimderi, mınıstrlikter, ulttyq kompanııalar, tıisti sharýashylyqtar bul máseleni erekshe baqylaýda ustaýy kerek. Atap aıtqanda, Reseıde jınaqtalyp jatqan tájirıbeni tyńǵylyqty zerdeleý qajet», - dedi K.Másimov.