QR Premer-Mınıstri Ońtústik Qazaqstanǵa jumys saparymen keledi

Sapar aıasynda Úkimet basshysy Shymkenttegi Báıdibek bı eskertkishin kórip, sondaı-aq OQO Kásipkerlerge qyzmet kórsetý ortalyǵynyń jumysymen tanysady.

OQO ákimi apparatynyń baspasóz qyzmetinen habarlaǵandaı, odan keıin Muz saraıynda S.Ahmetov Ońtústik Qazaqstan oblysynyń 80 jyldyǵyna arnalǵan «Nuryn shashqan Ońtústik!» atty saltanatty sharaǵa qatysady. Mereıtoıdy atap ótý kezinde qonaqtar men kórermenderge aımaq týraly derekti fılm jáne jergilikti oryndaýshylar men shyǵarmashylyq ujymdardyń kontserttik baǵdarlamasy usynylady.

Tústen keıin Úkimet basshysynyń Túrkistandaǵy 300 oqýshyǵa arnalǵan M.Jumabaev atyndaǵy orta mektepke, bıyl jańartylǵan «Kentaý-Servıs» energııalyq keshenine, Kentaýdaǵy transformator zaýytynyń jańa óndiristik tsehtaryna barýy kútilýde.