QR Premer-Mınıstri on-laın konferentsııany jeńiske ádil jetkenniń alańynda ótkizýge ýáde etti
ASTANA. 27 sáýir. QazAqparat - QR Premer-Mınıstri Kárim Másimov óziniń on-laın konferentsııasyn jeńiske ádil jetkenniń alańynda ótkizýge ýáde etti. Bul týraly ol óziniń Twitter-degi jeke paraqshasyna jazdy.
«On-laın konferentsııany jeńiske ádil jetkenniń alyńda ótkizemin. Protsestiń ashyqtyǵy úshin balama konferentsııany «Azattyq radıosynda» ótkizemin», - dep jazdy Premer.
Eske salaıyq, K.Másimov on-laın konferentsııasyn ótkizý alańyn daýys berý tásili arqyly anyqtaýda. Keshe, daýys berý júrip jatqan Úkimet basshysynyń saıtyna hakerler buzyp kirip, olar saıtty ıelengen 20 mınýttyń ishinde «Azattyq radıosynyń» paıdasyna 20 myń daýys berilgendigi anyqtaldy.
pm.kz saıtynyń ákimshiligi «ádilsiz» jolmen qosylǵan daýystardy alyp tastady.
