QR Premer-Mınıstri motor benzınin, kerosındi jáne gazoıldy áketýge ýaqytsha tyıym salýdy engizý týraly qaýlyǵa qol qoıdy
ASTANA. Mamyrdyń 29-y. QazAqparat - Qazaqstan Respýblıkasynyń Premer-Mınıstri Kárim Másimov «Motor benzınin, kerosındi jáne gazoıldy áketýge ýaqytsha tyıym salýdy engizý týraly» 2010 jylǵy mamyrdyń 28-indegi № 487 qaýlyǵa qol qoıdy.
Qaýlyda turmystyq pesh otynynan basqa, motor benzınin (kod TN VED TS 2710 11 310 0-2710 11 700 0), kerosındi (kod TN VED TS 2710 19 210 0-2710 19 250 0) jáne gazoıldy (kod TN VED TS 2710 19 410 0-2710 19 490 0) Qazaqstan Respýblıkasynyń aýmaǵynan áketýge 2010 jylǵy shildeniń 1-inen tyıym salyndy.
Qazaqstan Respýblıkasy Qarjy mınıstrliginiń Kedendik baqylaý komıtetine osy qaýlyny oryndaýdyń barlyq qajetti sharalaryn qabyldaý tapsyryldy.
Qazaqstan Respýblıkasynyń Syrtqy ister mınıstrligine Qazaqstan Respýblıkasynda motor benzınin, kerosındi jáne gazoıldy el aýmaǵynyn áketýge tyıym salý engizilgeni týraly Eýrazııalyq ekonomıkalyq qoǵamdastyqtyń Yqpaldastyq komıtetin belgilengen tártippen habardar etý tapsyryldy.
Osy qaýly alǵashqy resmı jarııalanǵan kúnnen bastap kúshine engiziledi.
Qaýlynyń tolyq mátini baspasózde jarııalanady.
