QR Premer-Mınıstri latyn grafıkasyna kóshirýge qatysty Ulttyq komıssııanyń otyrysyn ótkizdi
Otyrysta qazaq álipbıin latyn grafıkasyna kezeń-kezeńmen kóshirý boıynsha Іs-sharalar jospary týraly, Ulttyq komıssııa janynan qurylǵan orfografııalyq, ádistemelik, termınologııalyq, tehnıkalyq jáne aqparattyq súıemeldeý jónindegi jumys toptarynyń atqarǵan qyzmetiniń nátıjeleri, sondaı-aq jańa redaktsııadaǵy álipbı negizinde ereje jobasyn ázirlep, bekitý máseleleri talqylandy.
«Elbasy «Qazaq tili álipbıin kırıllıtsadan latyn grafıkasyna kóshirý týraly» Jarlyqqa ózgeris engizdi. Jańa nusqa kópshiliktiń, qoǵamnyń, til mamandarynyń qoldaýyna ıe boldy, sonymen qatar Komıssııa músheleriniń pikiri de eskerildi. Endi Elbasy tapsyrmasyna sáıkes tilimizdiń mártebesin arttyrý baǵytynda jumystardy jalǵastyrýymyz qajet», - dep atap ótti Baqytjan Saǵyntaev.
Latyn grafıkasyna kóshý boıynsha negizgi jumys baǵyttary jóninde mádenıet jáne sport mınıstri A. Muhamedıuly, aqparat jáne kommýnıkatsııalar mınıstri D. Abaev, bilim jáne ǵylym mınıstri E. Saǵadıev, A. Baıtursynuly atyndaǵy Til bilimi ınstıtýtynyń dırektory E. Qajybek baıandama jasady. Sonymen qatar, «Nur Otan» partııasy Tóraǵasynyń birinshi orynbasary M. Áshimbaev, Premer-Mınıstrdiń orynbasary E. Dosaev, Prezıdent Ákimshiliginiń Іshki saıasat bóliminiń meńgerýshisi A. Balaeva, «Qazaqstan» Respýblıkalyq teleradıokorporatsııasy» AQ basqarma tóraǵasy E. Qarın jáne basqalar óz pikirlerimen bólisti.
Aıta keterligi, Ulttyq komıssııa Úkimettiń janyndaǵy konsýltatıvtik-keńesshi organ bolyp tabylady, onyń negizgi maqsaty -- qazaq álipbıin latyn grafıkasyna kóshirý boıynsha usynystar ázirlep bekitý, jumys barysyn úılestirý jáne onyń sapaly oryndalýyna baqylaý jasaý.
Komıssııa quramyna tóraǵanyń orynbasary - QR Premer-Mınıstriniń orynbasary E. Dosaev, sonymen qatar QR Prezıdenti Ákimshiliginiń, «Nur Otan» partııasynyń ókilderi, QR Parlamentiniń depýtattary, belgili qoǵam qaıratkerleri men til salasynyń mamandary kirdi.
Qazaq tili álipbıin 2025 jylǵa deıin latyn grafıkasyna kezeń-kezeńimen kóshirý boıynsha is-sharalar josparyna sáıkes qazaq álipbıin latyn grafıkasyna 2025 jylǵa deıin kezeń-kezeńimen kóshirý kózdelýde.
Birinshi kezeń 2018-2020 jyldardy qamtıdy. Bul kezeńde daıyndyq jumystary jáne normatıvtik quqyqtyq bazany jetildirý boıynsha is-sharalar júrgiziledi. Latyn grafıkasy negizindegi jańa qazaq álipbıinde durys jazý erejeleri, latyn grafıkasyna mátindik qaıta kodtaýshyǵa arnalǵan konverter baǵdarlamasyn jáne IT-qosymsha ázirlenedi.
Ekinshi kezeń - 2021-2023 jyldar. Bul kezeńde uıymdastyrýshylyq jáne ádistemelik sharalar ótkiziledi. Ortalyqtardyń oqytýshylary men eresek turǵyndardy úıretý úshin fılologtar men tilshi lıngvıst ǵalymdardy tarta otyryp, semınarlar men dárister, kýrstar uıymdastyrý. Qazaqstan Respýblıkasy azamatynyń tólqujattary men jeke kýálikterin jáne basqa da qujattardy latyn grafıkasy negizindegi memlekettik tilde berýdi qamtamasyz etý.
Úshinshi kezeń - 2024-2025 jyldar. Memlekettik jáne jergilikti memlekettik organdardyń is qaǵazdaryn, sondaı-aq memlekettik BAQ-ty jáne memlekettik baspa basylymdardy latyn grafıkasyna (kezeń-kezeńmen) kóshirý, sondaı-aq bilim berý uıymdarynyń isqaǵazdaryn latyn grafıkasyna kezeń-kezeńmen kóshirý uıymdastyrylady.
Sondaı-aq til bilimi jáne AT salasyndaǵy sarapshylardy tarta otyryp, orfografııalyq, ádistemelik, termınologııalyq, tehnıkalyq jáne aqparattyq súıemeldeý jónindegi jumys toptary quryldy:
Orfografııalyq jumys toby qazaq tiliniń latyn grafıkasy negizindegi orfografııa jáne orfoepııa erejelerin daıyndaıdy.
Ádistemelik jumys toby oqytý, zertteý jáne ony kezeń-kezeńimen bilim berý júıesine engizýmen aınalysady.
Termınologııalyq jumys toby termınologııalyq qordy júıeleýmen aınalysady.
Tehnıkalyq jáne aqparattyq súıemeldeý jónindegi jumys toby IT tehnologııa jáne aqparattyq keńistikke beıimdeýmen shuǵyldanady.
