QR Premer-Mınıstri Keńsesiniń «Kommýnıkatsııalar ortalyǵy» respýblıkalyq memlekettik mekemesi taratyldy
ASTANA. 3 qarasha. QazAqparat - Qazaqstan Respýblıkasy Úkimetiniń qaýlysymen Premer-Mınıstr Keńsesiniń «Kommýnıkatsııalar ortalyǵy» respýblıkalyq memlekettik mekemesi taratylyp, Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizildi,
dep habarlaıdy resmı BAQ.
Qazaqstan Respýblıkasy Úkimetiniń qaýlysy №1396
2012 jylǵy 2 qarasha, Astana qalasy
Qazaqstan Respýblıkasynyń Premer-Mınıstri Keńsesiniń «Kommýnıkatsııalar ortalyǵy» respýblıkalyq memlekettik mekemesin taratý jáne Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizý týraly
«Qazaqstan Respýblıkasynyń Prezıdenti janyndaǵy «Ortalyq kommýnıkatsııalar qyzmeti» respýblıkalyq memlekettik mekemesin qurý jáne Qazaqstan Respýblıkasy Prezıdentiniń keıbir jarlyqtaryna tolyqtyrýlar engizý týraly» Qazaqstan Respýblıkasy Prezıdentiniń 2012 jylǵy 5 qazandaǵy № 403 Jarlyǵyna sáıkes Qazaqstan Respýblıkasynyń Úkimeti qaýly etedi:
1. Qazaqstan Respýblıkasynyń Premer-Mınıstri Keńsesiniń «Kommýnıkatsııalar ortalyǵy» respýblıkalyq memlekettik mekemesi (budan ári - mekeme) taratylsyn.
2. Qazaqstan Respýblıkasy Premer-Mınıstriniń Keńsesi:
1) Qazaqstan Respýblıkasy Qarjy mınıstrliginiń Memlekettik múlik jáne jekeshelendirý komıtetimen birlesip, Qazaqstan Respýblıkasynyń Prezıdenti janyndaǵy «Ortalyq kommýnıkatsııalar qyzmeti» respýblıkalyq memlekettik mekemesine taratylatyn mekeme kredıtorlarynyń talaptaryn qanaǵattandyrǵannan keıin qalǵan múlikti berýdi qamtamasyz etsin;
2) osy qaýlyny iske asyrý jóninde ózge de sharalar qabyldasyn.
3. Qosa berilip otyrǵan Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlar bekitilsin.
4. Osy qaýly qol qoıylǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri
S.AHMETOV.
Qazaqstan Respýblıkasy Úkimetiniń keıbir sheshimderine engizilgen ózgerister men tolyqtyrýlar respýblıkalyq BAQ-da jarııalandy.
