QR Premer-Mınıstri Keńsesiniń burynǵy basshysy Básekelestikti qorǵaý agenttigin basqardy
ASTANA. 2 aqpan. QazAqparat /Qanat Qulshymanov/ - QR Premer-Mınıstri Kárim Másimov Básekelestikti qorǵaý agenttigi ujymyna jańa basshy - Ǵabıdolla Ábdirahımovty tanystyrdy.
Ol buryn QR Premer-Mınıstriniń Keńsesin basqardy.
Ǵabıdolla Rahmatollauly Ábdirahımov 1975 jyly Shymkent oblysynda Kırov aýylynda týǵan.
Qazaq memlekettik agrarlyq ýnıversıtetin ekonomıst-býhgalter mamandyǵy boıynsha bitirgen. «Bolashaq» baǵdarlamasy boıynsha (1997-1999) Nemis memlekettik basqarý joǵary mektebin (Germanııa) bitirgen. Memlekettik ákimshilendirý magıstri. «Nur Otan» HDP múshesi.
Eńbek jolyn Qazaq memlekettik agrarlyq ýnıversıtetinde assıstent (1996-1997) bolyp bastady. QR Memlekettik qyzmet isteri agenttiginiń bas mamany, bólim bastyǵy, tóraǵanyń keńesshisi (1999-2001), QR Memlekettik qyzmet ister agenttigi agenttigi tóraǵasynyń orynbasary, birinshi orynbasary, tóraǵasy, (2001-2008), Qazaqstan Respýblıkasy Premer-Mınıstri Keńsesiniń basshysy (2008 jyldan bastap) bolyp jumys jasady Sondaı-aq QR Prezıdentiniń «Bolashaq» halyqaralyq stıpendııasy túlekteri qaýymdastyǵynyń prezıdenti (2001-2008) boldy, QR Prezıdenti janyndaǵy Jastar saıasaty jónindegi keńestiń tóraǵasy (2008 jyldan), «Samuryq-Qazyna» ulttyq ál-aýqat qory» AQ Korporatıvtik hatshysy mindetin atqarýshy.
«Qurmet» ordenimen (2006), «Astanaǵa 10 jyl» merekelik medalimen (2008) marapattalǵan.
