QR Premer-Mınıstri: «Qazaq týrızm» ulttyq kompanııasyn qurý protsedýrasyn jedeldetý kerek
ASTANA. QazAqparat - «Qazaq týrızm» ulttyq kompanııasyn qurý protsedýrasyn jedeldetý kerek. Búgin Úkimettiń selektorlyq rejimdegi otyrysynda Premer-Mınıstr Baqytjan Saǵyntaev Mádenıet jáne sport mınıstrine osyndaı tapsyrma berdi, dep habarlaıdy QazAqparat.
«Transulttyq kompanııalar men strategııalyq ınvestorlar tartý boıynsha Investıtsııalar jáne damý mınıstrligi Qazınvest jáne ákimdermen birge árbir ınvestıtsııalyq jobany júzege asyrýdaǵy jaýapkershilik aımaǵyn aıqyndaýy qajet. Basty nazarda eksporttyq quramdas pen ónimdilikti arttyrý bolýy tıis. Jeke jaýapkershilik Jeńis Mahmuduly (Investıtsııalar jáne damý mınıstri Qasymbek) sizge júkteledi», - dedi Premer-Mınıstr.
Sonymen qatar Úkimet basshysy týrızmdi damytý máselesine de basa nazar aýdardy.
«Mádenıet jáne sport mınıstrligi eki aptalyq merzimde týrıstik salany damytý tujyrymdamasyn júzege asyrý is-sharalar jospary men týrıstik klaster úshin zákirlik ınvestorlardy tartý boıynsha naqty usynystar engizýi tıis. Asqar Uzaqbaıuly (Premer-Mınıstrdiń birinshi orynbasary Mámın) Memleket baksshysy Şýche-Býrabaı shıpajaı aýmaǵyn damytýdy qaıta pishimdeý tapsyrmasy bar. Bul máseleni jedeldetý kerek. Sonymen qatar Memleket basshysyna usynys engizý qajet. «Qazaq týrızm» ulttyq kompanııasyn qurý protsedýrasyn jedeldetý kerek. Arystanbek Muhamedıuly (Mádenıet jáne sport mınıstri) jumystardy jedel bastaý qajet», - dedi Úkimet basshysy.
