QR Premer-Mınıstri K.Másimov tikeleı jelide qazaqstandyq-amerıkandyq ınvestıtsııalyq forýmǵa qatysýshylardyń suraqtaryna jaýap berdi

ASTANA. 11 qarasha. QazAqparat. Nıý-Iorkta Qazaqstannyń 2010-2014 jyldarǵa Údemeli ındýstrııalyq-ınnovatsııalyq damýy jónindegi memlekettik baǵdarlamasyna arnalǵan jyl saıynǵy 3-inshi qazaqstandyq-amerıkandyq ınvestıtsııalyq forým óz jumysyn aıaqtady.

Eki kún ishinde is-sharaǵa AQSh-tyń memlekettik, korporatıvtik, saraptamalyq jáne medııalyq qaýymdastyqtarynyń 200-den astam ókili qatysty.

Pikirtalastardy forým aýdıtorııasyna arnalǵan beınejoldaýymen QR Premer-Mınıstri Kárim Másimov bastap berdi. Óz baıandamasynda Kárim Másimov Qazaqstannyń jahandyq qarjy daǵdarysyn tıimdi eńserýiniń jáne Údemeli ındýstrııalyq-ınnovatsııalyq damýy jónindegi memlekettik baǵdarlamasynyń tabysty júzege asyrylýy jaǵdaıyna naqty dálelder keltirdi. Forýmǵa qatysqan amerıkandyq sarapshylar bizdiń eldiń QR ınnovatsııalyq damýynyń kepili retinde bilim berý salasyn tańdaýy arqyly osy ınnovatsııalyq baǵyttyń tabysty júzege asyrylyp jatqanyna joǵary baǵa berdi. Forýmǵa qatysýshylar Qazaqstan Úkimeti basshysyna tikeleı jelide suraqtar qoıýǵa múmkindigin de asa joǵary baǵalady.